ESKWELA SA SALA: Reality #06
Naglisod jud ko aning online class tungod sa among signal diri. Wala pa man gud kaabot diri ang pldt or globe maong di mi kapataod ug internet. Unya ang among lugar kay layo ra man sa tower maong perti jud ka hinay sa signal. Maglisod na gani ko ug send ug text message, samot na kung mag mobile data pa oka. Pasalamat na lang ko nga naay pocket wifi kay may na lang masang-at sa naay signal nga lugar. Pero grabe jud gihapon ka unstable sa connection. Kanang ug mag take ko ug exam lisod jud kaayo, makulbaan na gane kos exam pero mas ma kulbaan ko nga mawala akong connection while ga take sa exam. Paet kaayo madisconnect ug kalit kay imbis nakatunga na ko sa exam, balik na sad kos uno. Kanang mag synchronous class nga i-check ang attendance, unya kung kailan ako nay tawagon kay mo lag man hinuon nya di ko katubag, aw ma absent jud. Grabe jud rong online class, ma feel nako nga nigamay akong mga grado dili tungod kay nibugo ko apan tungod ra pud sa circumstances nga naa ko. Sanaol na lang jud sa mga tawo nga naay resources. Although mo ingon man nga bisan complete ang resources kay magkalisod gihapon, samot na siguro tong wala diba. Mao ng karong panahona, mapasalamaton jud ko sa mga professor nga grabe ka considerate. Kanang mga mag huna huna pud sa situation sa ilang mga students ba. Dili unta sigeg hunahuna nga ga tinapulan ra ang mga studyante, nya pataka rag hatag ug activities. Pati weekends kawaton nag apil abi kay online ra. Lisod jud i-manage ang time karon samot na kung imong professors mag assume nga ga kupot ra mog cellphone 24/7 nga bisan midnight na usa pa muhatag ug activity nga para the next day. Mayta malamdagan ning mga maestra nga ingon ani oy, hinay hinay lang pud unta kay di ra sa inyoha gatuyok ang kalibutan. Salamat.
-Anonymous